MA.1
Dumber e variabla
C
Matematisar e preschentar
2
Las scolaras ed ils scolars san illustrar, descriver e generalisar quantitads, serias da dumbers e terms.
renviaments
MA.1.C.2
Las scolaras ed ils scolars ...
1
a
- san preschentar quantitads en differentas modas e manieras (p.ex. cun puncts u cun stritgs) ed arranschar differentamain (p.ex. repartì sin ina lingia u en la surfatscha).
b
- san preschentar quantitads fin 20 en moda structurada (p.ex. orientà als da 5 u da 10: 9 = 5 + 4; 12 = 10 + 2).
- san concretisar adiziuns e subtracziuns cun acziuns, istorgias e maletgs.
c
- san preschentar l'impurtanza da las cifras en il sistem da posiziun (p.ex. 5 bastuns da 10 e 7 quadrins dad 1 represchentan 57).
- san mussar u descriver relaziuns en e tranter adiziuns e subtracziuns (p.ex. mussar la midada da las summas en in quint sistematic).
d
- san illustrar operaziuns da basa cun acziuns, maletgs tematics, istorgias e structuras graficas ed interpretar las illustraziuns.
- san mussar e descriver relaziuns en e tranter operaziuns da basa (p.ex. la midada dals products 1 · 3, 2 · 4, 3 · 5, 4 · 6, ...).
2
e
- san preschentar l'impurtanza da las cifras en il sistem da posiziun (p.ex. 2 plattas da 100, 5 bastuns da 10 e 7 quadrins dad 1 represchentan 257).
f
- san illustrar serias da dumbers e products (p.ex. 14 · 14 cun agid da la crusch da dumbers; la seria da dumbers 1, 3, 6, 10, ... cun agid da puncts).
g
- san concretisar regularitads en connex cun ils dumbers natirals cun agid d'exempels (p.ex. dumbers quadrats han ina quantitad spèra da divisurs → 16: 1, 2, 4, 8, 16).
- san preschentar e cumparegliar fracziuns cun ils numnaders 2, 3, 4, 5, 6, 8, 10 ed interpretar preschentaziuns (p.ex. rudè, rectangul, radi da dumbers).
- san descriver serias da dumbers raziunals positivs (p.ex. ½, ¼, ⅛, ...; 0.7, 0.77, 0.777, ...).
h
- san matematisar ed inventar engiavineras da dumbers (p.ex. sch'ins multiplitgescha in dumber cun 3 ed adescha alura 3 datti 33).
- san descriver serias da figuras a moda numerica (p.ex. la quantitad da varts vesaivlas tar turs da quadrins cun 1, 2, 3, 4 ... quadrins).
3
i
- san descriver connexs tranter terms e figuras (p.ex. interpretar n(n+1) sco rectangul; preschentar la summa dals emprims n dumbers spèrs sco quadrat: 1 + 3 + 5 + 7 = 4 · 4).
- san formular terms davart lunghezzas da trajects, surfatschas e volumens ed interpretar terms correspundents.
- san illustrar terms aritmetics ed algebraics, en spezial cun text, simbols e skizzas (p.ex. il product da dus binoms, la summa da trais dumbers consecutivs).
- san generalisar regularitads aritmeticas cun terms da bustabs (p.ex. 3(4 + 5) = 3 · 4 + 3 · 5 → a(b + c) = ab + ac).
- amplificaziun: san formular structuras aritmeticas a moda algebraica (p.ex. ils products 2 · 3 · 4 / 3 · 4 · 5 / 5 · 6 · 7, ... san ins divider cun 6 → a(a + 1) · (a + 2) · ⅙ dat in dumber entir).
j
- san interpretar terms a moda geometrica (p.ex. a² · b sco quader cun surfatscha da basa quadratica, a · b sco rectangul cun las duas varts a e b ed a + b sco summa da dus trajects).
- san transferir serias da figuras linearas en in term (p.ex. quants bastunets dovran ins per furmar ina retscha dad n trianguls regulars, 2n + 1).
k
- san cumprovar u illustrar a moda numerica deposiziuns davart serias da dumbers e terms (p.ex. ½n(n+1) + ½(n+1)(n+2) è in dumber quadrat n = 1 → 1 + 3 = 4, n = 2 → 3 + 6 = 9, ... n = 6 → 21 + 28 = 49).
- san identifitgar il svilup linear, quadratic ed exponenzial en terms, serias da dumbers e grafs e descriver differenzas.
- Impressum
- Agid
- Davart il Plan d'instrucziun 21
- La CDEP-T
- Plan d'instrucziun 21 · 29.2.2016